Pariskrit

१ वर्ष अगाडि / ३९  पटक हेरिएको

नेपाली चलचित्र भवनहरु लक डाउनका कारण कहिलेबाट संचालनमा आउँछन्, पक्का छैन । यहीकारणले पनि निर्माताहरुको करोडौ रकम जोखिममा परेको छ ।

तर, चलचित्र ‘कोपिला’को निर्माणपक्षले भने टेलिभिजनबाट चलचित्र रिलिज गर्ने तयारी गरेको छ । डीसहोमबाट यो चलचित्र रिलिज हुन लागेको निर्माणपक्षले बताएको छ ।

वैशाख ३० गते यो चलचित्रलाई डीसहोमको च्यानल नम्बर १०८ बाट रिलिज गरिनेछ । कञ्चनपुरकी १३ बर्षिया बालिका निर्मला पन्तको बलात्कारपछिको हत्याको बिषयमा यो चलचित्र निर्माण भएको छ । चलचित्रको च्यारेटी शो हेटौडामा सम्पन्न भैसकेको छ ।

यो चलचित्रको दैनिक ८ शो प्रदर्शन गरिनेछ । लक डाउनका कारण हलमा चलचित्र रिलिज हुन ढिलाई भएपछि अन्य माध्यमबाट रिलिज गर्न लागिएको यो पहिलो नेपाली चलचित्र हो ।

गणेश गिरीको प्रस्तुतिमा तयार भएको यो चलचित्रलाई संचारकर्मी मणिराज गौतमले निर्माण गरेका हुन् । चलचित्रमा शिवम् अधिकारीको निर्देशन छ । यो चलचित्रमा सरिता गिरी, गणेश गिरी, सन्जिवनी खरेल, प्रकृती खरेल, ऋद्धिचरण श्रेष्ड लगायतका कलाकारको मुख्य भूमिका छ ।

कम बजेटमा निर्माण भएकाले पनि चलचित्रलाई अन्य माध्यमबाट रिलिज गर्न निर्माणपक्षलाई सहज भएको हो ।

तपाईको प्रतिक्रिया
About us

यो वेवसाइट Pariskrit Media को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

परिकृत मिडिया प्राली
अनामनगर , काठमाण्डौं

+977- 1-4372829

[email protected]

हाम्रो टिम

सम्पादक :

प्रधान सम्पादक:

सम्वाददाता: